انا اشك اذن انا دبوس

لم اعد انام الليل منة كل يوم يظهر لى دليل جديد يؤكد كل شكوكى تغيرت كل صفات زوجتى

    تصرفاتها اصبحت مريبة جدا لم تعد الزوجة الطيبة الريئة التى تزوجتها ارى الان الخبث فى

    عينيها للاسف اعتقد ان زوجتى تخوننى منذ فترة هناك شخص اخر فى حياتها اتمنى ان اعرف

    من هو ........وسأقتلة

    اجبتة(انت اللى انسان شكاك ) وبتشك فى كل اللى حواليك فاكر لما شكيت ان مراتك بتقف فى

    الشباك تبص لجاركم اللى فى العمارة اللى قدامكم وهو كمان بيغمز لها وفى الاخر طلع الراجل

    كفيف

    رد قائلا ... لا ... المرة دى متاكد جدا من كلامى هى كانت فاكرانى امبارح هرجع بالليل متاخر

    وانا تعبت فالشغل ورجعت الساعة اربعة مالقتهاش فى البيت ولما رجعت الساعة ستة سالتها

    كنتى فين اتلخبطت كدة وارتبكت وقالت لى انت اية اللى جابك بدرى

    فكرت قليلا وقلت لة استهدى باللة كدة واستعيذ من الشيطان اللى دخل دماغك واتملك منك دة

    انت لية شكاك كدة؟ ان بعض الظن اثم مراتك دى ست محترمة وبنت ناس طيبين وكل الناس

    بتشكر فيها ست اى راجل يتمناها ما تستاهلش منك كدة

    نظر لى باستغراب شديد وقال انت لية بتدافع عنها اوى كدة؟

    وصمت قليلا ثم تابع وقال (هو انت كنت فين امبارح الساعة اربعة؟!